9 Години Кино Карпош | Оскари 2018 | 27.01.2018 @Кино Карпош
Во сабота на 27-ми јануари 2018г. прославивме две битни работи:
⋆ 9 ГОДИНИ КИНО КАРПОШ
⋆ ОСКАРИ 2018
Нашата Филмска Академија по 9-ти пат ги додели оскарите за најдобрите актери.
Оскар за „Најдобра групна маска“ зедоа момците маскирани во ликовите од филмот Pulp Fiction, a оскарот за „Најдобра поединечна маска“ и припадна на девојката маскирана во Jaylah од филмот Star Trek.
Водител на Оскарите беше радио-водителот Викса, а наградите беа доделени од минатогодишниот победник во категорија „Најдобра поединечна маска”, Катарина Ивановска.
Оскарите традиционално беа изработени од старо рециклирано железо од познатиот уметник Владо Костов. Целта е да ја покренеме свеста кај урбаните момци и девојки преку еден вид уметност која фаворизира имагинативно мислење и перцепција, сфаќајќи ја истовремено важноста на заштитата и обнова на Земјата за доброто на сите нас.
Веруваме во намалувањето на потрошувачката и во повторната употреба или рециклирањето на материјалите!